சாதாரண உணவகத்தில் ஒபாமா....

வியட்நாம் நாட்டில் சுற்றுப்பயணம் செய்துவரும் அமெரிக்க அதிபர் பராக் ஒபாமா அந்நாட்டின் தலைநகர்   ஹனாய்யில் உள்ள சிறிய உணவகத்தில் அமர்ந்து நூடுல்ஸ் சாப்பிட்ட சம்பவம் இடம்பெற்றுள்ளது.

ஹனாய் நகரிலேயே அந்த கடையில்தான் நூடுல்ஸ் மிகவும் ருசியாக இருக்கும் என்பதால் அமெரிக்காவின் பிரபல சமையல்காரரான அந்தோணி போர்டன் ஒபாமாவை இந்த உணவகத்திற்கு அழைத்து சென்றுள்ளார்.

இந்த உணவகத்தில் அமர்ந்து ஒபாமா சாப்பிடுவதற்கு எவ்வித இட ஒதுக்கீடு மற்றும் அவரை வரவேற்பதற்காக சிறப்பு ஏற்பாடுகளும் செய்யப்படவில்லை. ஒபாமாவை அங்கு கண்டதும் உள்ளூர் மக்கள் ஆவலுடன் ஓடிவந்து அவருடன் கைகுலுக்கி மகிழ்ந்தனர்.

மிகவும் சாதாரணமாக அந்த உணவகத்திற்குள் சென்ற ஒபாமா, நீல நிற பிளாஸ்டிக் நாற்காலியில் அமர்ந்து, உணவருந்தும் காட்சியினை, அந்தோணி போர்டைன் புகைப்படம் எடுத்து தனது இன்ஸ்டாகிராமில் வெளியிட்டுள்ளார்.